Градоначалникот на Општина Петровец – Борче Митевски заедно со претставници од Советот на Општина Петровец и дел од општинската администрација ги пречекаа учесниците на овогодинешниот меморијален марш од ПАОК Ентузијаст од Струмица. Во чест на трагично загинатиот претседател на Македонија Борис Трајковски, по 19-ти пат десетина планинари од Струмица и околните градови секоја година пеш изминуваат повеќе од 200 километри.
Поминувајки ја маршутата од Струмица до Скопје до вечното почивалиште на трагично загинатиот претседател на Република Македонија Борис Трајковски, години наназад застануваат во Општина Петровец каде топло се примени од градоначалникот Митевски на едночасовен разговор. Тука додека кратко се одмараат се послужени со топли и освежителни напитоции како и скромен ручек пред да го продолжат патот до крајната дестинација а тоа е гробот на претседателот Борис Трајковки.
