И покрај лошите временски услови кои беа проследени со силни врнежи од снег, планираната акција за чистење и засадување на дрвца во близина на населеното место Бадар сепак се спроведе. Од смет се чистеше речното крајбрежје на реката Пчиња како и околината на десетиците езерца кои се во непосредна близина на Бадар. Снежната покривка на одредени места го имаше покриено сметот, но и покрај се денес акцијата можеше да се оцени како успешна, бидејки се собраа околу триесетина вреќи смет кои со товарни возила беа однесени на депонија.
На оваа акција организирана пред се од еколошкото друштво „Бадаријана“ учество земаа и градоначалникот на Општина Петровец – Борче Митевски и дел од општинската администрација, Пратеничката во Собранието на Република – Македонија Марија Петрушевска, ЈКП Петровец, директорката на ООУ Кочо Рацин од Петровец – Виолета Јаневска, активисти за чиста животна средина и жители од населеното место Бадар. Воедно се засадија и зимзелени дрвца се со една цел, околината на населеното место Бадар да стане пријатно место за престој и живеење, опкружено со зеленило, дрвја и чиста природа.
