Денеска во ООУ „Кочо Рацин“ – Петровец официјално започна реализацијата на програмата за холистичко образование „Star for Life“ во Македонија.
На официјалниот почеток на програмата присуствуваа градоначалникот на Општина Петровец, Борче Митевски, претставници од општинската администрација и директорката на ООУ „Кочо Рацин“ – Петровец, Виолета Јаневска.
Програмата „Star for Life“ има за цел да создаде дополнителни можности за развој на младите преку современи образовни пристапи, поттикнување на личниот развој, самодовербата и развивање на потенцијалите на учениците.
Вклучувањето на ООУ „Кочо Рацин“ во оваа програма претставува значаен чекор во унапредувањето на образовните можности за учениците и воведувањето нови пристапи кои придонесуваат за нивниот личен и образовен напредок.
Општина Петровец продолжува да ја поддржува реализацијата на иницијативи насочени кон подобрување на образованието и создавање подобри услови и можности за младите.
