Со традиционална коледарска песна низ улиците на Петровец и Ржаничино денеска се одржа празнична Бадникова литија, посветена на големиот православен празник Христовото раѓање – Божиќ. Коледарската поворка на повеќе од 100 коледарчиња започна од црквата Свети Ѓоргија во Петровец, а заврши во црквата Света Троица во Ржаничино.
Попатно коледарчињата ги прими градоначалникот на Општина Петровец Борче Митевски, каде присутен беше и претседателот на Совет на Општина Петровец Блаже Никчевски и советникот Златко Ацевски, како и дел од општинската администрација. Тие на сите учесници во коледарската поворка им поделија коледарски дарови. Градоначалникот Митевски се обрати пред присутните коледарчиња, им ги честита Божиќните празници и им порача оваа коледарска традиција да продолжи и во иднина, да ја негуваат и пренесат на наредните генерации. Божиќната поворка заврши во црквата Света Троица во Ржаничино каде сите коледарчиња беа почестени со топол чај и доручек.
