Во ООУ „Кочо Рацин“ во Петровец се одржа Новогодишен базар каде учениците изложија голем број на новогодишни украси, слатки и други производи. Голем број родители и наставници беа присутни на овој Новогодишен базар каде се одржа и културно-уметничка програма во изведба на КУД „ЅУНИЦА“ од Петровец.
Присутен беше и градоначалникот на Општина Петровец Борче Митевски кој се обрати пред присутните ученици и им посака многу здравје и среќни новогодишни празници, а воедно купи и неколку производи од изложените производи спремани од учениците и нивните најблиски. Средствата кои ќе бидат собрани од продажбата на изложените производи во целост ќе бидат донирани во хуманитарни цели.
