По повод почетокот на новата учебна година, на 1 Септември, во Општина Петровец беше одржана свечена приредба по повод приемот на новата генерација првачиња.
На свеченоста присуствуваа градоначалникот на Општина Петровец, Борче Митевски, претседателот на Советот на Општина Петровец, Жарко Крстевски, дел од советниците и претставници на општинската администрација.
Пред присутните се обрати градоначалникот Митевски, кој на најмладите ученици им посака среќен и успешен почеток на образовниот процес, исполнет со нови знаења, успеси и убави моменти во нивните училишни денови.
Општина Петровец продолжува да посветува внимание на најмладите и на создавањето услови за квалитетен образовен процес и успешен развој на учениците.
