Градоначалникот на Општина Петровец, Борче Митевски, денес присуствуваше на свеченото делење на училишни униформи за сите 1150 ученици од основните училишта на територијата на Општина Петровец.
Со оваа иницијатива, Општината продолжува да инвестира во подобрување на условите за образование и еднаков пристап за сите ученици. Униформите придонесуваат кон развивање чувство на припадност, дисциплина и единство меѓу учениците.
Средствата за изработка и набавка на униформите се целосно обезбедени од Буџетот на Општина Петровец, што ја потврдува континуираната поддршка на локалната самоуправа за образовните институции и младата популација.
