Градоначалникот на Општина Петровец, Борче Митевски, денес го посети населеното место Чифлик, каде што изврши увид во градежните активности за новата бушотина за водоснабдување.
По извршениот увид, беше констатирано дека со пуштањето во функција на новата бушотина, проблемот со водоснабдувањето во Чифлик ќе биде целосно решен во наредните 5 до 6 дена.
Со ова инвестиционо решение, ќе се обезбеди посигурно и поквалитетно водоснабдување, особено во летниот период кога потребите на жителите се значително зголемени.
