Денес низ Општина Петровец традиционално како и години наназад помина коњаницата од 60-тина учесници во „Илинденски Марш 2025“, кој треба да заврши на 2-ри август во Крушево, каде ќе се приклучат на прославата на најголемиот македонски национален празник – ИЛИНДЕН.
Во кругот на Општина Петровец беа пречекани од градоначалникот на Општина Петровец – Борче Митевски, пратеничката во Собранието на Република Македонија – Марија Петрушевска, членови на ОК на ВМРО ДПМНЕ-Петровец, општинската администрација како и голем број присутни граѓани. Учесниците на овој марш остварија средба со градоначалникот Митевски, но и со дел од присутните жители кои изразија желба да се фотографираат покрај коњите особено дечињата.
Учесниците во маршот беа почестени со освежителни напитоци и доручек пред да го продолжат патот кон Крушево. По едночасовната средба со присутните граѓани кои дојдоа да ја испратат коњаницата, градоначалникот на Општина Петовец Борче Митевски ги испрати учесниците на коњичкиот марш и им посака среќен пат до последната дестинација на коњаницата, а тоа е „Мечкин Камен“ во Крушево.
