Поради прогласената кризна состојба од страна на Владата на Република Македонија, денес во Општина Петровец е одржан состанок со кризниот штаб, предводен од Градоначалникот на Општина Петровец Борче Митевски а во присуство на Командирот на Полициско одделение Петровец и виш инспектор од Одделение за превенција СВР Скопје, каде што беа разговарани и анализирани критичните точки на наша територија, кои се подлежни на пожар, презентација на потребната противпожарна опрема со која Општина Петровец располага, како и набавка на нова.
Воедно, градоначалникот Борче Митевски ги назначи волонтерите, а дел од нив се и вработени во општинската администрација, кои во оваа кризна состојба ќе бидат достапни и подготвени во борбата со непредвидливите пламени јазици.
Се нагласи и активната комуникација и достапноста на информациите од терен, помеѓу претседателите на месните заедници на населените места и градоначалникот на Општина Петровец Борче Митевски,како и меѓуопштинската соработка при потреба од дополнително противпожарно возило во случај на пожар, помеѓу Општина Петровец и Општина Зелениково, но и другите соседни Општини.
