Општина Петровец попладнево со соочи со два активни пожари на својата територија кои беа локализирани и изгсени. Пожар со поголем зафат во село Катланово, во близина на муслиманските гробишта, кој дополнително го прошири силниот ветер кој постојано го разгоруваше и еден пожар во близина на населено место Петровец.
Веднаш испратени на терен, нашите екипи содржани од пожарникари-волонтери вработени во локалната самоуправа, Градоначалникот Борче Митевски, директорот на ЈКП Петровец и околу 100тина други мештани од Катланово активно работеа на гасење на избувнатите пожари. Во гасењето на пожарите учествуваа две противпожарни возила во сопственост на Општина Петровец и О.Зелениково.
Градоначалникот Борче Митевски искажува посебна благодарност до сите оние кои денес се спротиставија на пламените јазици и покажаа истрајност и сплотеност за меѓусебното добро, и истовремено Градоначалникот испраќа АПЕЛ до сите граѓани и повикува на совесност во овие кризни состојби, да се внимава и одбегнува се што би предизвикало опасност од опожарување, а секој сомнеж за пожар да се пријави кај нашите противпожарни екипи.
